Komedia "Shtëpiakë të dëshpëruar" elektrizuan në fundjavë skenën e Teatrit Skampa në Elbasan. Komedia vjen me regji nga Artan Imami, një nga emrat e vlerësuar të skenës sonë teatrore në aktivitetin e tij artistik.
Loja brilante e treshes Gentian Zenelaj, Artan Imami dhe Indrit Çobani kanë shkaktuar të qeshura papushim për dy orë të tëra.
Aktorët Indrit Çobani,Artan Imami dhe Gentian Zenelaj
Mikpritja e spektatorit Elbasanas nuk mund të mos emociononte protagonistët e kësaj komedie. Komedia konfirmoi mitin se çështjet familjare dhe mardhëniet në çift gjithnjë shfaqin kuriozitet.
“Shtëpiakë të dëshpëruar” është një komedi romantike mbi burrin modern.
Interesi i spektatorit Elbasanas për këtë komedi ka qenë tepër i lartë. Për këtë arsye interpretuesit e komedisë po mendojnë rikthimin sërisht të kësaj shfaqe në javët në vazhdim!
/rtsh.al/