Kryetari i grupit parlamentar të PS-së, Taulant Balla, akuzoi sot Sali Berishën, se financohet nga Rusia. Duke i’u referuar protestës së opozitës të 12 nëntorit, Balla u shpreh se ajo është e vonuar, pasi protesta bëhet nga aleatit i Putinit në Shqipëri që është Berisha.
“Rublat e Rusisë sponsorizojnë aleancën Berisha- Meta. Janë rublat ato që nxisin këtë lloj qasje. Ndërkohë që e gjithë bota është në luftë me Putinin, Saliu i del në krah, pasi protesta s’ka të bëjë me ekonominë e familjeve shqiptare, por me hallin personal të Berishës, i cili është shpallur “non grata” nga SHBA-ja. Mos u habisni, por shumë shpejt mund të shpallet “non grata” dhe nga vendet e BE-së”,- tha Balla.
Sipas tij, qeveria po kujdeset për çdo familje shqiptare, duke marrë si shembull çminin e energjisë, i cili do të mbahet në të njëjtin nivel si përpara luftës, Rusi- Ukrainë.
/rtsh.al/
