Fshati Baldushk, afro 20 km larg Tiranës njihet për mbarështimin e gjelave të detit.
Mirel Allmuça, banor i Baldushkut merret prej vitesh me rritjen dhe tregimit e gjelave te detit, që janë edhe produkti kryesor në tryezat e shqiptarëve në natën e ndërrimit të viteve.
Në gjysmën e dytë të dhjetorit, në prag të festave, në Baldushk hapet edhe tregu i gjelave të detit.
Mireli zhvendoset atje për të shitur. Ai thotë se cilësia është ajo që i diferencon gjelat e detit të kësaj zone.
Mbarështimi i gjelave të detit është tashmë një tradite për banorët e Baldushkut, çka ka bërë që shumë prej tyre të kenë edhe blerësit besnike.
/rtsh/
