Kryebashkiaku i Elbasanit, Gledian Llatja bëri të ditur se në këtë bashki ka nisur projekti "GreenElb".
Në këtë kuadër në një prej lagjeve të qytetit po testohen modele për të rritur efikasitetin e energjisë në ndërtesat private.
“Startuam projektin GreenElb me Urban Research Institute, një hap të rëndësishëm drejt një Elbasani të qëndrueshëm dhe neutral ndaj klimës”, shkroi Llatja në rrjetet sociale.
Në lagjen "Vullnetari", po testohen modele për të rritur efikasitetin e energjisë në ndërtesat private, përmes vlerësimit dhe përmirësimeve energjetike; mekanizmave të qëndrueshëm të financimit; politikave inovative dhe nxitjes së sjelljeve të reja; ndërtimit të kapaciteteve lokale.
Llatja u shpreh krenar që Elbasani është pjesë e "EU Mission for Climate-Neutral Cities".
Projekti "GreenElb" integron teknologjitë më të fundit, analizat e ekspertëve dhe angazhimin e komunitetit për të optimizuar konsumin e energjisë në ndërtesa. Softueri Fraunhofer EPC për diagnostikim dhe vlerësim për të krijuar përfaqësime dixhitale të mjedisit të ndërtuar të lagjes Vullnetari.
Zhvillimi i paketave dhe manualit të rinovimit të personalizuar, duke siguruar angazhim ndërsektorial dhe zbatimin sistematik të masave me efikasitet energjetik në tipologji të ndryshme ndërtesash janë pjesë e këtij projekti. Hartimi i një Rregulloreje për Efiçiencën e Energjisë, zhvillimi i një modeli të udhëheqjes së komunitetit, angazhimi i vëzhguesve të rinj vullnetarë, duke shërbyer si ambasadorë të energjisë dhe udhëheqja e parimeve të buxhetimit me pjesëmarrje në procesin e vendimmarrjes janë në themel të këtij projekti.
/ rtsh.al /
