Këtë fundjavë do të mbahet në Korçë “Shpirti i Ballkanit”, festivali më i madh në rajon që promovon kulturën ballkanike, që këtë vit vjen në edicionin e tij të 6-të. Grupet e ftuara do të sjellin traditën e tyre, vallëzimin dhe melodinë ballkanike.
Risi e këtij edicioni është pjesëmarrja e orkestrave dhe ansambleve nga vende të ndryshme të Ballkanit.
Performancat e grupeve muzikore dhe ansamblet do të takohen në pazarin e vjetër, mbrëmjen e 25 majit.
Ky festival organizohet nga bashkia Korçë dhe Qendra e Kulturës dhe Inovacionit me qëllim ruajtjen dhe promovimin e trashëgimisë jo materiale si dhe nxjerrjen në pah të vlerave që mbart rajoni i Ballkanit.
Gazetare Eftjola Fili
/rtsh.al/