Zyrtarët ukrainas besojnë se vendosja e 40 mijë deri në 50 mijë trupa të huaja si forca të sigurisë përgjatë vijës së frontit mund të jetë e realizueshme.
Ideja e propozuar nga presidenti francez Emmanuel Macron, ka fituar vëmendje me rikthimin e Donald Trump në Shtëpinë e Bardhë.
Një vit më parë ajo konsiderohej si e parealizueshme dhe e rrezikshme dinamika e ndryshimit në Ukrainë, duke përfshirë vështirësitë me të cilat përballet ushtria ukrainase dhe perspektivat e zbehta të anëtarësimit në NATO, kanë çuar në një rishqyrtim të kësaj ideje, shkruan Financial Times.
Trump ka thënë vazhdimisht se ai dëshiron që lufta të përfundojë sa më shpejt të jetë e mundur. Kievi, nga ana tjetër, ka sinjalizuar gatishmërinë e tij për të arritur një marrëveshje nëse aleatët ofrojnë garanci të besueshme sigurie.
Presidenti ukrainas Volodymyr Zelensky ka theksuar se ndërsa diskutohet për nevojën për 200 mijë ushtarë, mund të jetë një ekzagjerim. Ndërsa zyrtarët ukrainas besojnë se një e katërta e atij kontingjenti mund të jetë një numër realist.
Diskutimet për këtë çështje janë duke vazhduar midis Kievit dhe aleatëve të tij, me kryeministrin britanik Keir Starmer dhe sekretarin e përgjithshëm të NATO-s Mark Rutte që pritet të diskutojnë këtë çështje në një takim jozyrtar më 3 shkurt.
Nga ana e tij, kryeministri britanik Keir Starmer dhe Sekretari i Përgjithshëm i NATO-s Mark Rutte pritet ta diskutojnë këtë çështje në një "takim joformal" më 3 shkurt. Ndërsa shtetet baltike kanë shprehur mbështetje për idenë, mbështetja e mëtejshme nga aleatët e tjerë nuk është konfirmuar ende.
Fillimisht, koncepti i Macron sugjeroi që trupat evropiane mund të ofrojnë mbështetje duke mbrojtur infrastrukturën kritike, duke trajnuar forcat ukrainase dhe duke patrulluar kufirin me Bjellorusinë.
Megjithatë, me zgjedhjen e Trump, fokusi është zhvendosur në përdorimin e trupave evropiane si paqeruajtës dhe mbështetjen e forcave të mbrojtjes ukrainase.
Misioni i parashikuar do të kishte tre qëllime kryesore: sigurimin e Ukrainës për mbështetjen e Perëndimit, frenimin e Rusisë nga agresioni i ardhshëm dhe demonstrimin e Shteteve të Bashkuara të përkushtimit të Evropës për sigurinë e Ukrainës.
/rtsh.al/
