Presidenti i Shteteve të Bashkuara të Amerikës ka kritikuar urdhrat e faljes së paraardhësit të tij Joe Biden duke ngritur pikëpyetje mbi motivet që e shtynë ish-presidentin të kryente një veprim të tillë.
“E dini ju cila është gjëja më qesharake – ndoshta gjëja më e trishtueshme – është se ai lëshoi urdhër falje për vete. Dhe, nëse e shikoni, gjithçka kishte të bënte me të”, tha Trump, duke shtuar se “paratë shkuan tek ai”.
Gjithashtu, Trump komentoi hetimin e Bidenit dhe rivales demokrate të vitit 2016, Hillary Clinton.
Ai vuri në dukje se ndërsa shpesh i kërkohej të ndiqte hetime gjatë presidencës së tij të parë – veçanërisht kundër Clinton-it, ai zgjodhi të mos e bënte këtë.
“E dini, unë kam qenë gjithmonë kundër kësaj me presidentët dhe Hillary Clinton. Mund ta kisha bërë ndaj Hillary Clintonit, por nuk doja”, tha ai për Sean Hannity në një intervistë për Fox News.
“Epo, unë kalova katër vjet ferr nga ky llum me të cilin duhej të merreshim. Kam kaluar katër vjet ferr. Kam shpenzuar miliona dollarë në tarifa ligjore dhe kam fituar, por e kam bërë në mënyrën më të vështirë. Është me të vërtetë e vështirë të thuhet se ata nuk duhet ta kalojnë përmes ferrit gjithashtu, e vështirë ta thuash këtë”, tha Trump.
Presidenti amerikan ka sulmuar midis të tjerësh edhe senatorin demokrat Adam Schiff.
“Dhe kam dëgjuar se Schiff shkoi tek ai dhe i kërkoi falje, sepse Shifi është një mashtrues”, tha ai dhe pyeti pse Schiff nuk mori falje nga Biden.
/rtsh.al/
