Bashkimi Evropian synon të ndërpresë përdorimin e Fondit Evropian të Paqes si burimi kryesor i financimit të mbështetjes ushtarake për Ukrainën, pjesërisht për shkak të vetove të vazhdueshme të Hungarisë.
Bëhet fjalë për një kredi të G7-ës për të cilën BE-ja synon të japë deri në 35 miliardë euro.
Sipas projektvendimit, shumica e parave të gatshme do të shkojnë për projektet e financuara nga BE, me vetëm 5% për Fondin Evropian të Paqes, i cili kompenson shtetet anëtare për koston e ndihmës ushtarake të dorëzuar në Ukrainë. Një shumicë do të jetë e mjaftueshme për vendimin, kështu që Hungaria nuk do të jetë në gjendje të vendosë veton.
Pengesat e vazhdueshme të vendosura nga Budapesti janë një nga arsyet pse Bashkimi Evropian synon të ndërpresë përdorimin e Fondit Evropian të Paqes si burimin kryesor të mbështetjes ushtarake për Ukrainën.
Deri më tani, pothuajse 90% e të ardhurave nga asetet e ngrira të Bankës Qendrore Ruse janë drejtuar për të mbështetur Ukrainën përmes Fondit të Paqes: BE-ja ra dakord për një rezolutë të tillë në qershor, pavarësisht kundërshtimeve të Hungarisë, dhe transferoi këstin e parë atje brenda një muaji.
Përfaqësuesi i Lartë i BE-së për Punët e Jashtme, Josep Borrell, deklaroi se përveç pagesës fillestare, ata synojnë t'i japin Ukrainës edhe 1 miliardë euro para fundit të vitit.
/rtsh.al/
