Ministria e Brendshme e Bosnjë-Hercegovinës e ka konsideruar "terrorizëm" sulmin e mbrëmjes së kaluar nga një i mitur kundrejt dy policëve, që rezultoi me një të vdekur.
Adnan Boganoviq (o. Boganovic), zëdhënësi i Ministrisë së Punëve të Brendshme për kantonin e Una-Sanës, tha se ngjarja ndodhi rreth orës 9 të mbrëmjes.
14-vjeçari hyri në komisariatin e policisë me thikë me vete dhe filloi të godasë policët e pranishëm. Njëri prej viktimave humbi jetën gjatë transportit në spital si pasojë e plagëve të marra, ndërsa oficeri i dytë iu nënshtrua operacionit dhe ndodhet jashtë rrezikut për jetën.
Autori u arrestua dhe motivet e sulmit të tij mbeten të paqarta. Niveli i sigurisë është rritur në rajonin boshnjak.
Ky nuk ishte incidenti i parë i ditës, pasi të enjten paradite një tjetër nxënës i shkollës së mesme në kanton u qëllua me armë zjarri nga një tjetër nxënës.
Sistemi arsimor i kryeqytetit boshnjak, Sarajevës, është po ashtu nën presion për shkak të telefonatave anonime për ekzistencën e mjeteve shpërthyese në shkolla, që është bërë shpesh shkak për ndërprerjen e mësimit.
Policia e Sarajevës ka ndaluar nëntë persona që i konsideron përgjegjës për telefonatat anonime për bombat në shkolla. "Tetë prej tyre janë të mitur dhe një i rritur,“ u tha gazetarëve zëdhënësja e Ministrisë së Brendshme.
/rtsh.al/