Një 38-vjeçar është arrestuar në kuadër të operacionit “Sundimi i ligjit”. Policia bën me dije se 38-vjeçari po qarkullonte me armë zjarri pistoletë në automjet.
Në rrugën “Frang Bardhi”, shërbimet e Forcës së Posaçme "Shqiponja" lokalizuan dhe ndaluan automjetin me drejtues 38-vjeçarin dhe gjatë kontrollit në çantën e tij të dorës, kanë gjetur një armë zjarri pistoletë me krehër me municion luftarak, e cila u sekuestrua në cilësinë e provës materiale.
“Në zbatim të masave të planit operacional "Sundimi i ligjit", për goditjen e rasteve të armëmbajtjes pa leje, finalizohet operacioni policor i koduar "White". Operacioni u zhvillua nga Sektori i Forcës së Posaçme "Shqiponja". U kap në flagrancë duke qarkulluar me armë zjarri pistoletë, në automjet, vihet në pranga 38-vjeçari. Sekuestrohet arma e zjarrit pistoletë me krehër me municion luftarak”, thuhet në njoftim.
/rtsh.al/
