Kreu i i Partisë Demokratike, Sali Berisha ka akuzuar kryeministrin Edi Rama si personi përgjegjës që ka shkaktuar krime kundër njerëzimit në lidhje me skandalet në shëndetësi.
“Rama u përpoq të mbulojë krimet kundër njerëzimit që ka shkaktuar ai personalisht me sistemin e falimentuar të shëndetësisë”, theksoi Berisha gjatë fjalës së tij në protestën maratonë te ‘Rruga e Shpresës’.
Berisha e ka quajtur kryeministrin Edi Rama si krye-Tirja e shëndetësisë. ‘Ka Tire në shëndetësi, por krye-Tirja e shëndetësisë je ti! Ke kryer krime kundër njerëzimit me vdekjet nga Covidi’, theksoi Berisha në protestën maratonë te ‘Rruga e Shpresës’.
Ish-kryeministri ka vijuar me akuzat në drejtim të kryeministrit Edi Rama përsa i përket gjendjes skandaloze të shëndetësisë në Shqipëri.
”Po a nuk është krim kundër njerëzimit t’u mungojnë vogëlushëve ilaçet, kurse ti blen për oborrin tënd instalimin 4 milionë?’, u shpreh Berisha gjatë fjalës së tij në tubimin qytetar që zhvillohet te ‘Rruga e Shpresës’.
Sipas Berishës, 11 korriku është dita kundër krimeve kundër njerëzimit të kryera mbi shqiptarët nga Edi Rama.
Berisha ka theksuar se 11 korriku është dita të luftojmë për qindra-mijëra njerëz që vdiqën në kthetrat e një mjekësie të pashpirt, të shndërruar nga Edi Rama, ministrat e tij në një bursë vdekje.
Ai u ka bërë thirrje mjekëve që të marrin pjesë në protestën e 11 korrikut. ‘U bëj thirrje bluzave të bardha, në emër të misionit të tyre, të marrin pjesë në protestën e 11 korrikut’, u shpreh Berisha në protestën te ‘Rruga e Shpresës’.
/rtsh.al/
