Sërish situatë kaotike në Serbi, kësaj radhe para objektit të Bashkisë së Beogradit.
Një grup studentësh dhe politikanë të mbledhur kanë hedhur vezë dhe ngjyrë të kuqe në objekt.
E kjo bëri që në një moment, disa prej tyre të tentonin të largonin rrethimin që ishin vendosura nga sigurimi, duke i detyruar të intervenojnë dhe të esklaojë situata në rrahje masive.
Qytetarët dhe përfaqësuesit e partive politike janë përplasur me anëtarët e sigurimit privat që ruanin ndërtesën dhe këshilltarët e qeverisë.
Studentët e Fakultetit të Inxhinierisë Elektrike në Beograd thanë se “çdo forcë veprimi ka një forcë reagimi”.
“Çfarë po bën sigurimi privat para bashkisë? Kush janë ata që rrahin qytetarët? A do të ndiqen penalisht? “Ju thjesht po shtypni... Çdo forcë veprimi ka një forcë reagimi”, shkruan studentët e ETF në bllokadë në rrjetin social X.
Pas një përplasjeje me oficerët e sigurisë, Dejan Atanackovic, aktivist dhe fitues i çmimit NIN, dhe katër aktivistë të tjerë u arrestuan.
Sindikata e Artistëve dhe Punëtorëve të tjerë në Teatrin Kombëtar Serb në Novi Sad njoftoi se po i bashkohet grevës së përgjithshme njëditore në 7 mars, dhe të vazhdojë t'i japë mbështetje të plotë luftës së studentëve për drejtësi, siguri, liri të fjalës dhe përmbushje të kërkesave.
Plenumi studentor i Fakultetit të Mjekësisë në Beograd u ka bërë thirrje punonjësve të shëndetësisë në Serbi që t'i bashkohen grevës së përgjithshme të paralajmëruar për nesër dhe të ndërpresin punën për një orë.
Studentët u bënë thirrje punonjësve të shëndetësisë që të ndërpresin punën nga ora 11:30 deri në orën 12:30.
“Kjo grevë paralajmëruese e bën të qartë se punonjësit e shëndetësisë e njohin mosfunksionimin e sistemit shëndetësor dhe janë të gatshëm ta luftojnë atë”, thuhet në njoftimin e Plenumit Studentor të Fakultetit të Mjekësisë.
/rtsh.al/
