Ushtarët rusë, që kapen duke përdorur internetin për qëllime personale, mund të penalizohen me burgim deri 15 ditë.
Ndërsa Rusia vijon luftën me Ukrainën prej 880 ditësh, të mërkurën Parlamenti i vendit miratoi një ligj që e klasifikon shkelje tepër të rëndë mbajtjen e pajisjeve nga personeli ushtarak për qëllimin e ruajtjes ose dërgimit të videove, fotografive ose të dhënave mbi vendndodhjen gjeografike.
Ligji gjithashtu ndalon transmetimin e çdo informacioni, që mund të përdoret për të identifikuar trupat ruse.
"Ligji ka për synim të ruajë sigurinë e personelit dhe njësive ushtarake," deklaroi kryetari i Komisionit Shtetëror për Mbrojtjen, Andrei Kartapolov, për agjencinë Interfax.
Ligji i ri vjen në kohën e raportimeve nga Ministria e Brendshme britanike se ushtria ruse po regjistron humbje të mëdha me gati 1 mijë ushtarë të vrarë përditë përgjatë korrikut.
Gazetarët investigues, të cilët varen prej informacioneve nga vija e parë e luftës, thonë se rregullat e reja do e vështirësojnë dokumentimin e aktiviteteve ruse. Maksym Zrazhevski (o. Zrazhevskyi), drejtues i agjencisë ukrainase "Molfar" tregon se të dhënat janë reduktuar prej kohësh. Blogerët që shkruajnë për luftën po ashtu e kanë kritikuar qëndrimin e ri të qeverisë ruse. /Politico
/rtsh.al/
