Kryeministri Edi Rama ftoi qytetarët që t’i bashkohen aktivitetit “Zâ Fest” në Shkodër që do të mbahet më 18-20 korrik. Ai vjen këtë vit me edicionin e tij të tetë.
“Zâ Fest” është një krijim artistik i kantautorit të njohur Vlashent Sata dhe synon promovimin e traditës, vlerave dhe kulturës së Shkodrës.
Kryeministri Rama ndau në rrjetet sociale një video informuese mbi këtë aktivitet artistik, ku përgjatë tri netëve do të perfomojnë artistë shqiptarë e të huaj.
Më herët ky festival është zhvilluar edhe në Theth, duke tërhequr një numër të madh vizitorësh.
/ rtsh.al /