Kampionati i Ekipeve Sportive në Shkolla, një bashkëpunim i Ministrisë së Arsimit dhe Sportit dhe KOKSH, ka rikthyer masivisht frymën sportive tek të rinjtë.
Ministrja e Arsimit dhe Sportit, Ogerta Manastirliu ndau të shtunën disa momente nga ndeshjet gjysmëfinale të Kampionatit të Volejbollit dhe Basketbollit në gjimnaze, ku ekipet më të mira në rang qarku po japin maksimumin në fushën e lojës.
Vitin e shkuar në projektin kombëtar “Ekipet Sportive në Shkolla” u përfshinë 10 mijë nxënës, 700 skuadra nga 61 bashki të Shqipërisë dhe 350 trajnerë.
Çdo nxënës që është pjesë e ekipeve të programit “Ekipet sportive” merr falas të gjithë bazën e nevojshme materiale.
Me këtë projekt të ekipeve sportive në shkolla janë gjallëruar të gjitha bashkitë e vendit me jetën sportive.
/ rtsh. al /
