Policia e Kosovës ka arrestuar një person dhe ka konfiskuar granata dore, fishekë dhe mjete të tjera të dyshimta gjatë një kontrolli të realizuar në Mitrovicën e veriut. Ky operacion erdhi pas marrjes së informacioneve për praninë e mjeteve të rrezikshme në një lokacion të caktuar të qytetit.
Sipas njoftimit të policisë, kontrolli është kryer në një shtëpi, ku janë gjetur katër granata dore të llojit M79, fishekë të llojeve të ndryshme dhe mjete të tjera që dyshohet të jenë të rrezikshme. Pas kontrollit, është arrestuar M.B, 37 vjeç.
Policia e Kosovës ka zhvilluar një seri operacionesh të ngjashme vitet e fundit, ku janë zbuluar dhe konfiskuar armatim dhe municion në veri të vendit.
Zona e veriut, e banuar kryesisht nga serbë, ka qenë shpesh herë epiqendër e tensioneve dhe incidenteve të dhunshme për shkak të situatës politike dhe etnike.
/rtsh.al/
