3 persona janë arrestuar dhe 5 të tjerë janë shpallur në kërkim pasi akuzohen për trafik të lëndëve narkotike.
Pas hetimeve 1 mujore nga policia e Elbasanit, gjatë kontrollit të një mjeti tip “Audi’ të një prej të dyshuarve u kapën 10 kg kanabis në bagazhin e automjetit.
Në pranga përfunduan drejtuesi : L. Gj., 23 vjeç, pasagjerja, B. F., 28 vjeçe dhe bashkëpunëtori i tyre G. P., 33 vjeç. Gjithashtu gjatë kontrollit të ushtruar në banesën e G. P., u gjet një armë zjarri pistoletë dhe një sasi të vogël kanabis, në formë çokollate.
Hetimet zbuluan se në këtë ngjarje kriminale janë përfshirë edhe 5 persona të tjerë, të cilët u shpallën në kërkim. Në cilësinë e provës materiale u sekuestruan arma e zjarrit pistoletë, 10 kg kanabis dhe automjeti tip “Audi”.
Materialet i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme.
/rtsh.al/
