Peter Stam (o. Stamm) një nga autorët më të njohur bashkëkohorë ka qenë në një takim me lexuesit e tij në Tiranë në qendrën kombëtare të librit. Stam tregon se është mahnitur nga numri i madh i lexuesve të librave të tij.
“Jam i lumtur për lexuesit e mi në Shqipëri, jam munduar përmes librave të mi të përçoj mendimet e mia të cilat lexuesit i kanë përcjellë sipas mesazhit që ata kanë menduar dhe kjo është shumë e bukur për një shkrimtar,” është shprehur Stamo.
Në shqip ai është përkthyer me dy libra, përkatësisht “Agnesa” dhe “Shpërfillja e ëmbël e botës” nga përkthyesja Ana Kove.
“Kemi këtu midis nesh autorin mbase më të rëndësishëm të mënyrës së re të tregimit dhe të rrëfimit dhe me këtë sens mendimi im në këtë histori apo tregim ishte deciziv,” tha përkthyesja Ana Kove.
Me mbi 1.5 milionë libra të shitur dhe i përkthyer në rreth 40 gjuhë ai është padyshim një nga autorët më të suksesshëm dhe më të dashur sot.
Gazetare: Xhilda Kondi
/RTSH/
