“Kosova ka mbushur të gjitha kushtet për të fituar statusin e vendit kandidat të BE-së”, kështu ka bërë me dije Presidentja Vjosa Osmani, pas takimit me shefin e ri të Zyrës së BE-së në Kosovë, ambasadorin Aivo Orav.
Zhvillimet e fundit në Kosovë, siguria, bashkëpunimi mes institucioneve të vendit me BE, kanë qenë disa nga temat e diskutuara mes dyshes.
Presidentja Osmani ka përsëritur rëndësinë e madhe të trajtimit të shteteve aspiruese bazuar në merita dhe në përqafimin e vlerave që qëndrojnë në themelet e BE-së.
“Presidentja Osmani ka thënë se Kosova vazhdon të jetë në ballë të reformave në të gjitha fushat, duke harmonizuar legjislacionin e saj me atë të BE-së, si dhe duke qenë plotësisht e bashkërenduar me politikën e përbashkët të jashtme dhe të sigurisë së BE-së. Tutje, Presidentja theksoi se Kosova ka mbushur të gjitha kushtet për ta fituar statusin e vendit kandidat të BE-së”, thuhet në postim.
/rtsh.al/
