Ministri për Evropën dhe Punët e Jashtme, Igli Hasani, priti sot në një takim deputetin shqiptar të Luginës së Preshevës në Parlamentin e Serbisë, Shaip Kamberi.
Ministri ka bërë publik në rrjetet sociale fotot nga takimi, krahas të cilave shkruan se janë të përkushtuar për të mbështetur shqiptarët në Serbi në mbrojtjen e të drejtave të tyre.
“Ishte kënaqësi të mirëprisja Shaip Kamberin, të vetmin deputet shqiptar të Asamblesë Kombëtare të Serbisë. Jemi të përkushtuar për të mbështetur shqiptarët në Serbi në mbrojtjen e të drejtave të tyre”, ka shkruar ministri Hasani.
/rtsh.al/
