Në një nga seancat e debateve për sigurinë e Europës gjate Sesionin Vjetor të Asamblesë Parlamentare të OSBE-së në Bukuresht, Kryetari i Partisë Republikane, Fatmir Mediu ngriti si shqetësim rrezikun që i vjen Ballkanit nga krimi i organizuar dhe korrupsioni.
Sipas Mediut, stabiliteti në Shqipëri dhe Ballkan ka dy armiq, krimin e organizuar dhe korrupsionit, të cilat e kanë bazën sipas tij tek goditja e zgjedhjeve të lira e të ndershme. Për këtë arsye tha Mediu, në këto vende duhet te sigurohet demokracia, bazuar në zgjedhje të lira, standartet e së cilave tha ai duhet të monitorohen më shumë nga OSBE.
Në fjalën e tij, Kryerepublikani Fatmir Mediu përmendi rrezikun e ndarjes së Bosnjës, ndarjet fetare dhe politike në Mal të Zi apo konfliktin në veriun e Kosovës, si shembuj konkretë të ndërhyrjes së jashtme si edhe përpjekje për destabilitet.
Gazetare: Anisa Kadesha
/rtsh.al/
