Është votuar brenda pak minutash Marrëveshja Shqipëri–Itali për emigrantët.
77 deputetë të Partisë Socialiste dhe të PDIU-së e kaluan Marrëveshjen mes protestës nga ana e opozitës dhe zhurmuesve në Kuvend.
Votimi në Kuvend i kësaj marrëveshjeje vjen pas dhënies së dritës jeshile nga Gjykata Kushtetuese disa ditë më parë.
Gjykata Kushtetuese çmoi në vendimin e dhënë se negocimi dhe firmosja e marrëveshjes mes kryeministrit shqiptar dhe homologes së tij italiane, ishte e rregullt.
Ndonëse opozita pretendonte se Rama nuk kishte kërkuar autorizimin për negocimin dhe për nënshkrimin nga Presidenti, Kushtetuesja theksoi se kjo marrëveshje nuk ndryshonte territorin e Shqipërisë. Sipas Gjykatës Kushtetuese, pavarësisht se kjo marrëveshje parashikon kalimin në përdorim të dy zonave, nga shteti shqiptar te autoritetet italiane, sërish këto zona janë pjesë integrale e territorit shqiptar.
Demokratët kanë protestuar seancën e sotme, duke e cilësuar si të turpshme votimin e ligjeve pa miratimin e tyre.
Sakaq, në seancën e kësaj të enjte (22 shkurt), mazhoranca miratuar me 74 vota pro projektligjin për Zonat e Mbrojtura, ndonëse ky ligj u kundështua nga opozita dhe organizatat kryesore mjedisore shqiptare të cilat protestuan para Parlamentit kundër miratimit të tij.
Po ashtu, Partia Socialiste është tërhequr nga vendimi për miratimin në seancën e sotme plenare të projektligjit për Amnistinë Penale. Ky pr.ligj u kundërshtua nga opozita, e cila pretendon se favorizon zyrtarët e korruptuar.
/rtsh.al/
