Pas mbylljes së aplikimeve për skemën kombëtare të mbështetjes në bujqësi për vitin 2024, në Kukës ka nisur procesi i vlerësimit administrativ në terren, për t’i hapur rrugë më pas financimit.
Aplikuesit në skemat mbështetëse të bujqësisë janë verifikuar nga veterinerët e shërbimit për numrin e matrikullimit të bagëtive që kanë raportuar në plotësimin e të dhënave.
Bajram Peposhi, Përgjegjës i Shërbimit Veterinar, thotë se pjesa më e madhe janë të rregullt me përjashtim të disa fermerëve, ku bagëtive të tyre u ka humbur numri i matrikullimit gjatë kullotave.
Zoti Peposhi thekson se vit pas viti është shtuar numri i krerëve nga fermerët që mbarështojnë bagëti.
Pas verifikimeve në terren pritet të dalin edhe përfituesit e kësaj skemë mbështetëse.
Gazetar
DASHMIR SHEHU
Operator
MALIQ MORINA
Montazh
Endri Sinani
/ rtsh.al /