Në vigjiljen e Krishtlindjes, qyteti i Korçës u mbush me emocione dhe muzikë të zgjedhur, teksa tre tenorët ndërkombëtarë, Vitaly Kovalchuk nga Ukraina, Rodrigo Trosino nga Meksika dhe Granit Musliu nga Kosova, sollën një spektakël të jashtëzakonshëm në teatrin "Andon Zako Çajupi".
Performanca e tyre, e mbushur me pjesët më të bukura të krijimtarisë botërore, i dhuroi publikut një përvojë të paharrueshme dhe një atmosferë të magjishme Krishtlindjesh.
Gjatë këtij koncerti emocionues, tenorët interpretuan arie dhe pjesë klasike, të cilat prekën thellë shpirtrat e të pranishmëve. Ata dhanë gjithashtu një mesazh të fuqishëm shprese dhe uniteti përmes muzikës, duke krijuar një lidhje të fortë me publikun.
Pjesë e këtij spektakli u bënë edhe artistët e njohur shqiptarë Ramona Tollumani, Bledi Polena dhe Lorenc Radovani, të cilët plotësuan programin me interpretimet e tyre të mrekullueshme.
Ky eveniment i veçantë, që ndodhi në prag të Krishtlindjeve, ishte një ngjarje e rëndësishme për qytetin e Korçës, e cila solli një frymë festash dhe harmoni mes kulturave të ndryshme.
/rtsh.al/
