Pas vizitës në Prishtinë ku u prit nga zyrtarët më të lartë të shtetit të Kosovës, Komisioneri për Zgjerim i BE-së, Oliver Varhelyi, ka vizituar pasditen e së enjtes dhe Mitrovicën e Veriut.
Pasi kaloi në këmbë urën mbi lumin “Ibër” në Mitrovicë, nga pjesa jugore në atë veriore, Varhelyi u takua me kryetarin e Listës Serbe, Goran Rakiç.
“Me Rakiqin kemi diskutuar edhe për mbështetjen e BE-së ndaj rajonit”, është shprehur komisioneri i BE-së.
Sipas Varhelyit, dialogu Kosovë-Serbi është shumë i rëndësishëm, ndërsa kërkoi zbatimin e marrëveshjes bazë, përfshirë edhe Asociacionin.
“Tani është esenciale që të dyja palët të ofrojnë dhe zbatojnë të gjitha detyrimet pa vonesa, pasi duhet të shfrytëzohet të ecet përpara me zbatimin e marrëveshjes.
Natyrisht mjafton të përmendet e konkluzioni i Këshillit të Evropës ku i nxit dy palët që të zbatojnë plotësisht të gjitha detyrimet, përfshirë edhe marrëveshjen e vitit 2013-2015 për Asociacionin”, tha Varehelyi.
Gjithashtu Varehelyi tha se reformat për sundimin e ligjit në Kosovë duhet të përshpejtohen, ndërsa nuk la pa përmendur edhe ngërccin në sistemin e drejtësisë.
“Një porosi e qartë që gjithmonë vjen nga Prishtina është se Kosova është shumë e përkushtuar sa i përket përafrimit në Bashkimin Evropian. Reformat jo vetëm që duhet të vazhdohen, por duhet edhe të përshpejtohen. Kërkojmë zotimin e Qeverisë që gjitha praktikat gjyqësore të jenë në pajtim me Gjykatën e Venecias”,deklaroi Varhelyi.
/rtsh.al/