Një 56-vjeçar turk po hetohet në gjendje të lirë pasi u kap në pikën kufitare të Kapshticës me 17 mijë euro të padeklaruara.
Paratë u gjetën gjatë kontrollit të kamionit të tij të futura në çantën e dorës dhe në xhup.
Policia kufitare e Kapshticës ka sekuestruar paratë dhe po heton 56-vjeçarin S.A., banues në Adapazar, Turqi.
Ndaj tij rëndon vepra penale "Mosdeklarimi në kufi i të hollave dhe sendeve me vlerë".
Materialet i kaluan Prokurorisë pranë Gjykatës së Shkallës së Parë Korçë, për hetime të mëtejshme.
/rtsh.al/
