Rreth 15 ndërtesa karakteristike qindra vjeçare të cilat po shkatërrohen, janë evidentuar në zonën muzeale të “Gjuhadolit” në qytetin e Shkodrës.
Ish- zëvendës ministri i Kulturës Zef Çuni thotë se mosmarrëveshjet mes pushtetit vendor dhe pronarëve kanë prodhuar një ngërç që pengon rikonstruksionin dhe mirëmbajtjen e tyre.
Në këto kushte në bazë të ligjit autoritetet duhet t’i kërkojnë pronarit të rikonstruktojë objektin ose shteti duhet të kryejë shpenzimet dhe t’ veje barrë në hipotekë për banorët.
“E para që veç shtetit, Instituti i Monumenteve të Kulturës të marrin përsipër t’i rreshtojnë në fondet e shtetit. Kostoja e restaurimit të vendoset barrë në hipoteke, pra ai nuk e kthen hipotekën të vetën deri sa të shlyejë detyrimet e shtetit. Njerëzit që braktisin banesat e tyre dhe që përbëjnë rrezik për jetën e qytetarëve, shteti mund t’i shtetëzojë për nevoja publike dhe i dëmshpërblen pronarët”, tha Çuni.
Zona muzeale e Gjuhadolit ndonëse mban peshën më të madhe të gjallërisë veçanërisht gjatë orëve të mbrëmjes, ndaj ndërhyrja është emergjente pasi rreziku është i vazhdueshëm për kalimtarët.
Gazetar: M. Rakaj
/rtsh.al/
