Zyrtarisht ka mbaruar sezoni veror, por kjo fundjavë nuk ngjan si e tillë në pikën kufitare të Morinës për shkak se numri i automjetesh që hyjnë në Shqipëri janë të shumta. Udhëtarët shprehen se shfrytëzojnë fundjavat për të shkuar drejt qyteteve të Shqipërisë, kryesisht për të drekuar e kaluar një pjesë të ditës.
Gjatë gjithë verës kjo pikë kufitare është shoqëruar nga numër i lartë dhe i dyfishuar krahasuar me verën e vitit 2023. Mirëpo këtë vit marrëveshja e nënshkruar nga dy shtetet për kalim pa kontrolle për targat e Kosovës dhe ato shqiptare, ka ndikuar pozitivisht në këtë pike kalimi, duke mos pritur me orë të gjata pranë sporteleve.
/rtsh/
