Me afrimin e festave të nëntorit, shumë emigrantë kuksian që punojnë dhe jetojnë në Britaninë e Madhe apo në një nga vendet e BE kanë vendosur ti bashkohen atmosferës festive për datat 28-29 nëntor. Sipas agjencive turistike që operojnë ne Kukës gjate kësaj periudhe vërehet një rritje e numrit të prenotimeve të biletave.
“Për sa i përket emigrantëve dhe festave të Nëntorit dhe të fund vitit kemi fluks të shtuar të prenotimive ku kryesisht vijnë nga Britania e Madhe, Italia dhe Gjermania”, u shpreh Klodiana Visha.
Pavarësisht çmimit të lartë të biletave, nuk kanë munguar rezervimet dhe për festa e fund vitit. Ajo që vihet re gjatë viteve të fundit, gjithnjë në prag festash rritet numri i emigrantëve që zgjedhin të festojnë pranë familjes.
Gazetare: Sh. Elezaj
/RTSH/
