Në Radio Televizionin Shqiptar ka nisur të premten emisioni “Europiani 3D”, i cili i kushtohet tërësisht ngjarjes më të madhe të botës së futbollit për këtë vit, Kampionati "Euro 2024" i cili nisi në Gjermani.
Nën moderimin e tre figurave mjaft të njohura të ekranit si Valbona Selimllari, Alban Dudushi dhe Ardit Roshi, “Europiani 3D” përcolli mbrëmjen e 14 qershorit kënaqësi për teleshikuesit.
Gazetarët në Shqipëri dhe Gjermani sollën për publikun emocionet më të fundit nga fanzonat e qyteteve.
Drejtpërsëdrejti nga Gjermania RTSH përçoi edhe emocionet e takimit inaugural të "Euro 2024", atë midis Gjermanisë dhe Skocisë, që u fitua thellësisht 5-1 nga gjermanët.
Gazetarja Fabiola Elezaj , solli për publikun momente të spikatura nga ndeshja ndërsa ekspertët e ftuar komentuan profesionalisht momente nga takimi.
Në fokusin e “Europiani 3D” ishte edhe takmi i së shtunës mes Shqipërisë dhe Italisë që do të mbahet në Dortmund.
Emision “Europiani 3D” në RTSH do t''ju shoqërojë çdo mbrëmje në orën 23:00 deri më 14 korrik .
/RTSH/
