Ekipi kombëtar i Anglisë ka fluturuar sot për në vendlindje pas disfatës në finalen e Kupës së Europës përballë Spanjës. Anglia rikthehet në shtëpi pas dështimit të dytë radhazi në finalet e Kampionatit Europian, atë të vitit 2020 ndaj Italisë dhe 14 korrikut 2023 ndaj Spanjës.
Kombëtarja e Anglisë ishte mjaft e karikuar për të fituar finalen e Europianit dhe ëndërroi për pak kur Cole Palmer barazoi shifrat, por Furia e Kuqe arriti të triumfojë falë talenteve të saj të rinj duke bërë që Gareth Southgate të vërë në pikëpyetje vijimin e drejtimit të “Tre Luanëve”.
Në këtë mënyrë, kanë dalë në skenë edhe emrat që mund ta zëvendësojnë Gareth Southgate. Mediat britanike kanë bërë një vëzhgim se kush mund të jetë pasuesi i Southgate për të marrë pankinën e Anglisë.
Federata Angleze nuk do të emërojë vetëm një pasardhës sipas dëshirës, por nëse Southgate vendos të largohet, ajo ka në listë disa emra si pasues i tij, ku spikatin emra si Graham Potter dhe Mauricio Pochettino.
Ish-trajneri i Chelseat, Mauricio Pochettino
Federata e Futbollit është e vendosur të kryejë një proces të plotë në kërkimin e një trajneri të ri nëse Gareth Southgate largohet, duke shtuar këtu Eddie Howe dhe Lee Carsley.
Southgate do të zhvillojë bisedimet me eprorët e tij të Federatën Angleze në ditët në vijim pas humbjes dërrmuese të së dielës mbrëma ndaj Spanjës në finalen e Euro 2024.
Eddie Howe është i lumtur te Newcastle, por konsiderohet një kandidat i mundshëm për ekipin kombëtar
Pritshmëria është që Southgate të largohet nga roli i tij pas tetë viteve në drejtim të bankinës angleze, megjithatë organi drejtues dëshiron që ai të qëndrojë dhe janë të përgatitur t'i ofrojnë atij një zgjatje të kontratës, të paktën dy vjeçare.
Ish-trajneri i Chelsea-s dhe Brighton, Graham Potter, një tjetër menaxher në listën e ngushtë të FA
Sidoqoftë, ekziston një plan që do të vendoset në zbatim nëse Southgate do të largohet. FA dëshiron të kryejë një proces të plotë dhe të duhur përpara se të vendosë për kandidatin e tyre numër një, por sipas mediave britanike pasuesit mund të jenë Howe, Potter dhe Pochettino.
/rtsh.al/
