Pas mbledhjes së provave, Policia e Tiranës ka kërkuar nga SPAK hetimin e 23 deputetëve të opozitës për veprat penale “Shkatërrim prone me zjarr”.
Policia ka kërkuar hetimin e kryetarit të grupit parlamentar demokrat Gazmend Bardhi për vepën penale “Goditje për shkak të detyrës’, pasi në seancën plenare të 30 shtatorit hodhi këmbën e karriges në drejtim të Kryeparlamentares Elisa Spiropali.
“Specialistët e Sektorit për Hetimin e Krimeve të Rënda në bashkëpunim me Komisariatin e Policisë Nr. 1 kanë referuar materialet në Prokurorinë e Posaçme kundër Korrupsionit dhe Krimit të Organizuar në ngarkim të shtetasve:
- Flamur Noka, 53 vjeç, banues në Tiranë, për veprat penale "Shkatërrimi i pronës me zjarr" dhe "Goditjet për shkak të detyrës", parashikuar nga nenet 151 dhe 237 të Kodit Penal; - Gazment Bardhi 38 vjeç, banues në Tiranë, për veprën penale "Goditjet për shkak të detyrës", parashikuar nga neni 237 të Kodit Penal; -Bledion Nallbati, 39 vjeç, banues në Tiranë, për veprën penale "Shkatërrimi i pronës me zjarr" parashikuar nga nenet 151 i Kodit Penal; - Dhurata Çupi 51 vjeçe, - Flamur Hoxha, 56 vjeç, - Xhelal Mziu,57 vjeç,- Lefter Gështenja, 52 vjeç, - Agron Gjekmarkaj, 50 vjeç, - Ina Zhupa., 37 vjeçe, - Lindita Metaliaj, 47 vjeçe, - Dashnor Sula, 59 vjeç, - Luan Baçi, 61 vjeç, - Lodovik Hasani, 57 vjeç, - Asllan Dogjani, 57 vjeç, - E.B., 51 vjeç, - Erisa Xhixho., 39 vjeçe, - S.orina Koto 40 vjeçe, - Saimir Korreshi, 43 vjeç,- Edmond Spaho, 66 vjeç, - Kasem Mahmutaj, 62 vjeç, - V.D., 56 vjeç, - Monika Kryemadhi., 50 vjeçe; - Isuf Çela, 60 vjeç, të gjithë banues në Tiranë, për veprën penale "Shkatërrimi i pronës", parashikuar nga neni 150 i Kodit Penal”, thuhet në njoftim.
Në seancën parlamentare të 30 shtatorit, opozita krijoi një skenar dhune në Kuvend për shkak të arrestimit të deputetit demokrat Ervin Salianji, i cili u dënua me 1 vit burg për “kallëzim të rremë”.
/rtsh.al/
