Ambasada e SHBA-së në Tiranë ka dënuar dhunën e ushtruar në Kuvend gjatë seancës plenare të 30 shtatorit, ndërsa shton se veprime të tilla nuk kanë vend në një vend demokratik.
Duke shprehur shqetësimin për veprime të tilla të dhunshme, ambasada e SHBA-së thekson se palët duhet të angazhohen në dialog konstruktiv që do i shërbejnë të ardhmen integruese të vendit në BE.
“Ambasada e SHBA është thellësisht e shqetësuar nga shkatërrimi dhe forca e ekspozuar në parlamentin e Shqipërisë të hënën. Veprime të tilla të dëmshme dhe potencialisht të dëmshme nuk kanë vend në procesin demokratik. Ne inkurajojmë të gjithë të përfshirët të ushtrojnë përmbajtje, të angazhohen në dialog konstruktiv dhe të mbështesin vlerat e respektit dhe civilizimit. Ne mbështesim diskutimin paqësor dhe bashkëpunues për negociatat e anëtarësimit të Shqipërisë në BE dhe do të vazhdojmë të qëndrojmë pranë institucioneve të Shqipërisë ndërsa ato punojnë për ta afruar Shqipërinë me komunitetin euroatlantik”, shkruan Ambasada e SHBA-së.
Në seancën parlamentare të 30 shtatorit, opozita krijoi një skenar dhune në Kuvend për shkak të arrestimit të deputetit demokrat Ervin Salianji, i cili u dënua me 1 vit burg për “kallëzim të rremë”.
Parlamenti nisi me tensione, bllokim të foltores, hedhje të sendeve drejt Kryetares së Kuvendit dhe kulmoi me djegien e karrigeve përpara godinës ku zhvillohen seancat plenare. Kjo bëri që seanca të mbyllet pas 20 minutash dhe ekspertët e kriminalistikës të nisin inspektimet e tyre në “skenën e dhunës”.
/rtsh.al/
