Presidentja e Kosovës, Vjosa Osmani, tha se brenda pak ditëve do të shpallë datën e zgjedhjeve të rregullta.
Pas takimit me liderët politikë të mërkurën, Osmani tha se datat për zgjedhje në bazë të ligjit janë mes 26 janarit, 2 shkurt, 9 shkurt dhe 16 shkurti. Sipas saj, partitë kishin preferenca të ndryshme brenda këtyre datave.
Duke folur për mungesën e kryetarit të LVV-së, Albin Kurti, njëherësh kryeministrit të vendit, presidentja Osmani tha se nuk i di arsyet e një veprimi të tillë.
Ajo tha se duke qenë se prezentë ishin të gjithë kryetarët e partive politike, nuk ka dashur të thyejnë këtë parim, pavarësisht kërkesës për të qenë prezentë nënkryetari Glauk Konjufca.
Presidnetja Osmani tha se caktimi i datës së zgjedhjeve të rregullta nuk nënkupton se nuk mundet të ketë zgjedhje të parakohshme, por theksoi se për një gjë të tillë nuk pa disponim nga partitë politike.
/ rtsh.al /
