Aktori Bruce Willis ka demencë frontotemporale, ka njoftuar familja e tij, bëri të ditur BBC.
Në një deklaratë në mediat sociale, ata thanë se ishte një "lehtësim për të pasur një diagnozë të qartë".
67-vjeçari u diagnostikua me afazi – e cila shkakton vështirësi në të folur – në pranverën e vitit të kaluar, por kjo ka përparuar dhe atij i është dhënë një diagnozë më specifike, tha familja. Sipas saj demenca frontotemporale është forma më e zakonshme e demencës tek njerëzit nën 60 vjeç. Në deklaratë thuhej: “Sot nuk ka trajtime për sëmundjen, një realitet që shpresojmë se mund të ndryshojë në vitet në vijim”.
Willis u bë një emër i njohur në vitet 1980 dhe 90 pasi luajti në filma të suksesshëm si Die Hard, The Sixth Sense, Armageddon dhe Pulp Fiction. Ai gjithashtu është nominuar për pesë Golden Globes - duke fituar një për Moonlighting - dhe gjithashtu tre Emmy, ku fitoi dy.
( Sipas BBC )
