Sipas burimeve zyrtare, sekretari i Shtetit i SHBA-së, Antony Blinken, do të vizitojë Turqinë.
Detajet e vizitës ende nuk janë bërë të ditura.
Blinken dhe ministri turk i Punëve të Jashtme, Hakan Fidan, më herët më 7 dhe 10 dhjetor zhvilluan biseda telefonike ku diskutuan zhvillimet e fundit në Siri.
Bashar Asadi, lideri i Sirisë për pothuajse 25 vite, të dielën herët u arratis në Rusi pasi grupet kundër regjimit morën kontrollin e kryeqytetit Damask, duke i dhënë fund regjimit të Partisë Baath, e cila ka qenë në pushtet në Siri që nga viti 1963.
/ rtsh.al /
