Ditët e fundjavave mbeten mjaft të preferuara për vizitorët e pushuesit e bregdetit të Shëngjinit. Besniket e përhershëm te këtij bregdetit, që e frekuentojnë atë si në verë ashtu dhe në dimër janë kryesisht shqiptarët e Kosovës, të cilët e lakmojnë Shëngjinin për distancën e shkurtër, klimën e ngrohtë, kushtet e përmirësuara turistike, pastërtinë, rregullin dhe mikpritjen.
Ndërkohë lokalet e restorantet e bregdetit të Shëngjinit mbajnë portat hapur, ku presin te rinj, vizitorë, pushues e turist të huaj deri në Kune, pika me skajore e këtij plazhi. Të pasionuarit e gjuetisë me grep, sport mjaft i preferuar për të gjitha moshat, vijnë këtu që në mëngjes herët, për të kaluar një ditë ndryshe dhe për të provuar fatin e tyre në peshkim.
Ndërsa te tjerë zgjedhin për të shijuar një drekë me kulinarin e pasur të kuzhinës së bregdetit të Shëngjinit apo për një shëtitje në afërsi të mjediseve me peizazhe mbresëlënëse të lagunave të Kunes dhe të Vainit.
Gazetar: Rr. Lelçaj
/rtsh.al/
