Ish-kryeministri Sali Berisha ka publikuar para mediave videon e tentativës për atentat ndaj ish-kryetarit të Bashkisë së Shëngjinit më 14 maj, Salvador Kaçaj.
Teksa e cilëson si një akt kriminal, Berisha shprehet se Kryeministri Rama në momentin e denoncimit të atentatit, u tall pasi e konsideroi si një ngjarje të pandodhur kurrë.
Ndërsa paraqet para mediave video, ish-kryeministri shprehet banda kriminale i zuri rrugën makinës me të cilën ish-kryebashkiaku po udhëtonte së bashku me shoferin dhe djalin e tij. Ishte një manovër e shoferit, ajo e cila sjhmangu atë që sot mund të ishte një krim makabër.
“Më 14 maj kam denoncuar atentatin e dështuar të organizuar nga bandat kriminale ndaj ish-kryetarit të Bashkisë Shëngjin, demokratit Ssalvador Kaçi, i cili po kalonte së bashku me të birin dhe banditë të armatosur i dalin përpara për të ekzekutuar. Por një manovrim i shpejtë i shoferit e bëri të pamundur aktin e tyre kriminal.
Atë ditë Edi Rama reagoi menjëherë me një cinizëm ndaj këtij akti, sikur ishte një shpifje e Salvador Kaçit dhe s’kishte ndodhur kurrë. U desh kohë të siguronim videon e këtij akti kriminal dhe unë jam sot këtu për të paraqitur para jush videon ku tregohet qartë se si i zunë rrugën makinës së tij dhe të armatosur dolën për të kryer krimin makabër. Mbrojtja publike që i bëri Rama atentatorëve. Mos u çudisni nëse vrasësit me pagesë mund të kenë qenë në sallë duke duartrokitur bosin Edi Ramën”, shprehet Berisha.
/rtsh.al/
