Fotot janë pjesë e pandashme e jetës sonë. Prej kohësh stampimi i tyre nuk ka më të njëjtin interes siç ka pasur vite më parë.
Fotografi Shkëlzen Iseberi prej 25 vitesh punon në studion e tij të fotografisë. Në gjithë këto vite, ai thotë se interesi për stampimin e fotove nga qytetarët është në rënie dhe se të rrallë janë ata që stampojnë kujtimet e tyre në foto.
"Ka një farë rënie interesi për stampimin e fotografisë, por ka dhe njerëz që dinë të ruajnë vlerat, pra të përcjellin një jetë", tha ai..
Iseberi tregon se ka interes për të restauruar foto të vjetra. “ Ka një interes për pastrimin, kolorizimin e fotografive të vjetra", shprehet Iseberi.
Tashmë, modernizimi i fotove ka marrë formën e seteve.
Stampimi i fotove prej vitesh është zbehur si pasojë e zhvillimit të teknologjisë, ku shumica i mbajnë fotot në aparatet celularë duke shmangur stampimin e tyre.
Gazetare: Irda Bajraktari
/rtsh.al/
