Më pak se tre muaj na ndajnë nga zgjedhjet e 11 majit.
Listat paraprake të zgjedhësve janë afishuar prej kohësh sipas përcaktimeve në Kodin Zgjedhor.
Për qytetarët e Kukësit, pjesëmarrja në votime është një detyrim për secilin, ndaj dhe interesi i një pjese të konsiderueshme të qytetarëve është i tillë.
Për herë të parë në këto zgjedhje votojnë emigrantët në diasporë.
Kukësi ka një numër të lartë emigrantësh e sipas qytetarëve, të cilët kanë djemtë, vajzat dhe familjarë të tjerë jashtë Shqipërisë, edhe ata kanë shprehur interes dhe po regjistrohen si votues për zgjedhjet e 11 majit.
Në listat paraprake të votuesve për qarkun e Kukësit janë të regjistruar 84.667 zgjedhës, nga të cilët në qytetin e Kukësit 45.012, në Has 17.070 dhe në Tropojë 22.585 zgjedhës.
Gazetar: Bujar Muçmata
/rtsh.al/
