Të implikuarit në vrasjen e babë e bir, Nezir dhe Gentian Beqirit në vitin 2012 në Elbasan, duhet të marrin dënime të rënda vlerëson SPAK.
Prokuroria e Posaçme ka kërkuar burg përjetë për Ardian Çapjan dhe Olsi Lekun, 25 vite burg për Florenc Çapjan, 20 vite për Klajdi Dokolin dhe Etin Canin, si dhe 6 vite burg për Ervis Bardhin.
Florenc Capja është në kërkim nga drejtësia shqiptare pasi akuzohet si porositës për vrasjen e at e bir, ndërsa xhaxhai i tij Ardian Çapja ndodhet pas hekurave.
Ngjarja tragjike ka ndodhur më 15 gusht 2012 në Elbasan. Gentian Beqiri u qëllua për vdekje më 15 gusht 2012 në banesën e tij, ndërsa ndodhej në ruajtje nga policia në gjendjen e “arrestit të shtëpisë”.
Beqiri ishte dënuar si i implikuar në vrasjen e biznesmenit Sokol Çapja, në vitin 2005. Po atë ditë u dhunua edhe babai i tij Nezir Beqiri i cili ndërroi jetë.