“Festivali Folklorik Kombëtar Gjirokastër 2023” do të vazhdojë rrugëtimin e tij për 11 edicione radhazi.
Këtë vit, ky festival do zhvillohet nga data 24 qershor deri në 2 korrik. Pjesmarrës do të jenë 800 artistë.
Në kuadër të përgatitjeve për këtë festivali në teatrin “Skampa” të Elbasanit është zhvilluar një koncert me numrat më të mirë me pjesëmarrjen e bartësve folklorikë. Ato janë përzgjedhur nga shtatë zonat etnografike të qarkut Elbasan.
Trupat do të performojnë përpara një jurie t'u përzgjedhur nga komisioni artistik i Ministrisë së kulturës.
Qëllimi kryesor i këtij festivali është pasqyrimi i gjerë i gjinive të folklorit dhe vlerave të tij, si dhe të mbrojë e të promovojë vlerat më të mira muzikore, koreografike, etnografike të krijuara prej shekujsh.
Festivali i parë Folklorik Kombëtar i Gjirokastrës u zhvillua në vitin 1968, në kalanë e gurtë të këtij qyteti dhe prej asaj kohe është zhvilluar çdo pesë vjet.
Deri në festivalin e vitit 1988, janë dhënë çmime për grupet më të mira, ndërkohë që në edicionet e fundit të tij nuk do të ketë një garë të mirëfilltë.
/ RTSH /
