Muzeu i njeriut shumëdimensional, poetit Asdreni në fshatin Drenovë i është nënshtruar rikonstruksionit.
Godina ekzistuese ishte e amortizuar me kalimin e viteve dhe nuk ofronte kushtet e duhura për të qenë një
muze i mirëfilltë.
Deri më tani janë grumbulluar një sërë materialesh të Aleksandër Stavre Drenvova i njohur si Asdreni, i cili shquhet për idilizmin në paraqitjen e jetës në fshat ku bujqit i përshkruan më fjalë simpatie.
Në Drenovë, Asdreni jetoi deri në moshën 14 vjeçare e më pas u vendos në Bukuresht ku kishte një komunitet të madh shqiptarësh, pjesa dërmuese e të cilëve ishin nga Korça. Një pjesë e mirë e materialeve që do të ekspozohen në këtë muze, janë siguruar nga atdhetarët në Bukureshti.
Rikonstruksioni i muzeut është bërë i mundur falë një investimi nga Bashkia e Korçës dhe Fondi Shqiptar i Zhvillimit. Veç ambjentit të Muzeut, në këtë godinë do të ngrihet edhe një ambjent që do të shërbejë si qendër ditore për banorët e moshuar të Drenovës.
Gazetar Marash Mirashi
/ rtsh.al /