Dy persona kanë rënë në pranga të policisë pasi u kapën me drogë në makinë në kryeqytet. Në pranga ranë G. G., 35 vjeç dhe F. P., 24 vjeç, të dy banues në Tiranë.
Makina me drejtues shtetasin G. G. dhe pasagjer shtetasin F. P u ndalua në rrugën “Naim Frashëri” ndërsa gjatë kontrollit të automjetit u gjet një pako me lëndë të dyshuar narkotike kokainë (me peshë 24 gramë), të cilën dyshohet se këta shtetas e posedonin me qëllim shitjen në doza.
Shtetasi G. G. kishte thyer masën e sigurisë “Arrest në shtëpi”, caktuar nga Gjykata, për veprën penale “Dhuna në familje”.
Materialet procedurale i kaluan Prokurorisë, për veprime të mëtejshme.
/rtsh.al/
