Nga problemet e krijuara për shkak të motit të keq vijon të jetë ende i pezulluar mësimi në disa shkolla në vend.
5 shkolla në qarkun e Tiranës i kanë mbyllur dyert përkohësisht për nxënësit deri në një njoftim të dytë nga Ministria e Arsimit.
Shkollat që janë mbyllur:
1-Shkolla "Hamdi Mansaku” Tiranë
2-Shkolla “Bahri Nela” Tiranë
3-Shkolla “Zenel Bastari” Tiranë
4-Shkolla “Vilëz” Tiranë
5- Shkolla ShMB Shëngjergj Tiranë
Ky vendim është marrë për të garantuar sigurinë e nxënësve, mësuesve dhe personelit arsimor në zonat më të prekura nga moti i keq.
Nga një vëzhgim i bërë nga RTSH në shkollat ku mësimi vazhdon normalisht nuk ka probleme me sistemin e ngrohjes.
Ministria e Arsimit dhe Sportit është në komunikim të vazhdueshëm me autoritetet vendore dhe shtabet e emergjencave civile për të bërë të mundur rinisjen e procesit mësimor për 69 shkollat që mbyllën dyert këto ditë.
Gazetare: E. Hasanbelli
/rtsh.al/
