17 persona janë arrestuar gjatë operacionit të koduar “Poker” që ka goditur veprimtari të paligjshme të lojërave të fatit, njoftoi policia. Të ndaluarit janë kapur në flagrancë në ambientet e një lokali , tha policia.
Në cilësinë e provës materiale u sekuestruan 11 makineta, 1 tavolinë pokeri, valixhe me çipsa dhe letra bixhozi, që përdoreshin për ushtrimin e lojërave të fatit.
Gjithashtu, në cilësinë e provës materiale janë sekuestruar 13 aparate celularë, rreth 6240 euro, 6460 paund dhe 148 200 lekë, që dyshohet se janë përfituar nga kjo veprimtari e paligjshme.
Të ndaluarit akuzohen për veprat penale “Organizimi ose ushtrimi i veprimtarive të lojërave të fatit në kundërshtim me ligjin”, “Fshehja e të ardhurave” dhe “Pastrimi i produkteve të veprës penale”.
/ rtsh.al /