Tirana është e gjitha e zbukuruar me ngjyrat dhe dritat festive dhe është bërë gati për të festuar Krishtindjet dhe Vitin e Ri.
Në sheshin “Skënderbej” janë ndezur dritat e pemës së Krishtlindjeve, ku i pranishëm ishte dhe kryebashkiaku i Tiranës, Erion Veliaj.
Në momentin e ndezjes së dritave, ai iu drejtua qytetarëve të pranishëm, duke thënë: “Gëzuar festat! Sjellshin mbarësi dhe mirësi në të gjithë familjet tuaja. Ju dua shumë! Të rrojë Tirana dhe të rrojë e gjithë Shqipëria”.
Ndryshe nga vitet e tjera, përveç pemës gjigande në Sheshin Skënderbej, përeth saj janë vendosur dhe katër pemë të tjera me përmasa më të vogla.
/rtsh.al/
