Kryetari i Kuvendit, Afrim Gashi ka caktuar seancën për zgjedhjen e Qeverisë së re për ditën e shtunë në ora 11:00.
Mediat në Maqedoninë e Veriut bëjnë me dije se i mandatuari dhe lideri i VMRO-DPMNE-së, Hristijan Mickoski, dje ka dorëzuar në Kuvend propozimin për përbërjen e qeverisë dhe programin për punën e saj.
Rregullorja e Kuvendit parasheh që seanca për zgjedhjen e Qeverisë të zgjasë më së shumti dy ditë.
Mandatari prezanton programin dhe propozimin për përbërjen e Qeverisë, pas së cilës hapet debati në Kuvend.
Votimi për zgjedhjen e Qeverisë bëhet sipas propozimit për përbërjen e Qeverisë në tërësi, me votim publik. Votimi bëhet pas përfundimit të debatit, më së voni deri në orën 24:00 të së dielës.
Kryetari i Kuvendit e njofton Presidentin e Republikës për zgjedhjen e Qeverisë.
/rtsh.al/