Salman Rushdie, autori, shkrimi i të cilit çoi në kërcënime me vdekje nga Irani në vitet 1980, u sulmua të premten, ndërsa ishte gati të jepte një leksion në perëndim të Nju Jorkut. Një reporter i Associated Press dëshmoi se një burrë sulmoi skenën në Institutin Chautauqua, dhe filloi të godiste me grushte ose të godiste me thikë Rushdie, ndërsa po prezantohej. Shkrimtari u rrëzua përtokë, ndërsa sulmuesi u arrestua. Nuk dihet ende gjendja shëndetësore e Rushdie.
NOW - Salman Rushdie is stabbed on stage in New York.pic.twitter.com/qFmYE6BC5E
— Disclose.tv (@disclosetv) August 12, 2022
Libri i Rushdie, "Vargjet Satanike", është ndaluar në Iran që nga viti 1988, pasi shumë muslimanë e konsiderojnë atë si blasfemi. Një vit më vonë, lideri i ndjerë i Iranit, Ajatollah Ruhollah Khomeini, nxori një fetva, ose dekret, duke bërë thirrje për vdekjen e Rushdie. Irani ka ofruar mbi 3 milionë dollarë si shpërblim, për këdo që vret Rushdie.
Qeveria e Iranit është distancuar prej kohësh nga dekreti i Khomeinit, por ndjenjat anti-Rushdie kanë vazhduar. Në vitin 2012, një fondacion fetar gjysmë zyrtar iranian e ngriti shpërblimin për Rushdie nga 2.8 milionë dollarë në 3.3 milionë dollarë. Rushdie e hodhi poshtë atë kërcënim, duke thënë se nuk kishte "asnjë provë" se njerëzit ishin të interesuar për shpërblimin. Apnews
/rtsh.al/
