Spitali i Fierit hap sot dyert, Kryeministri Rama publikon videon: Nis faza e parë në shërbim të qytetarëve!

Kryeministri Edi Rama e ka nisur mëngjesin e kësaj dite me publikimin në rrjetet sociale të një videoje ku paraqiten pamje nga spitali më i ri dhe më modern në Shqipëri. 
“Është një spital shumë i bukur, kam një respekt për të gjithë dhe një dashuri për popullin shqiptar.”, shprehet një prej mjekëve nga Turqia.
“Jam shumë i lumtur të jem këtu në Shqipëri dhe mezi pres të punoj me kolegët e mi shqiptarë.”, shprehet një tjetër mjek i Turqisë.
“Ky është një spital që i plotëson të gjithë kushtet bashkëkohore krahasuar me gjithë spitalet e Ballkanit dhe të Evropës dhe jam shumë i lumtur që do ndaj këtë eksperiencë timen por edhe do marrë eksperiencë nga mjekët e stafit turk.”, shprehet një shqiptar.
Spitali Rajonal Memorial i Fierit, i cili do hapet sot, do të ofrojë shërbime të nivelit terciar, për të gjithë Rajonin e Jugut, me një kapacitet 150 shtretër.  Spitali Memorial Rajonal Fier do të ofrojë shërbimin e urgjencës, kirurgjisë, neurokirurgjisë, kirurgjisë kardio-vaskulare, mjekësisë interne, kardiologjisë, neurologjisë, sëmundjeve infektive, pneumologjisë, shërbimin e ortopedisë dhe traumatologjisë, etj.